whatsapp要收錢？

我係比錢down的。不過其實比果幾十蚊駛乜咁大驚少怪？香港地食餐飯都駛左去啦。
雖然少錢，不過間公司真係好好賺，不得不佩服他優秀的系統，抵俾的！

趕到成身汗。

今日是新年前最後一炮，預算可買一両金的價錢。
因為自己還是想擁有一筒鷹揚銀幣同埋層層叠，所以思前想後還是去買銀吧。

午餐時間提前半個鐘閃人，趕到去上環，原本想在booksilver買，一出上環即趕過去，路中經過中銀，勁想走入去問有無長城銀條買，但怕銀行多人排隊。又想存夠銀幣；唯有以後再算。

因小弟不太識路花了一點時間。去到竟然食飯時間，撳極鐘仔無人應門。心諗今次仆街鳥！時間已經差不多一點四！我兩點鐘要趕返荃灣呀喂！

好彩上次行過，kitco都識路去！於是騰過去。咁大間應該無食飯時間掛。
入到去好彩有開，十分鐘唔夠買左一筒鷹揚同埋兩個楓葉銀幣鬆人（之前買一筒送左個比女友，見個筒有空位剩強迫症發作好想塞爆佢，所以買兩個）。

一筒鷹揚一筒銀葉，完成心願；這兩款銀幣暫時夠皮了。

行去利昌買多六條四両銀條。

阿叔包得好靚，唔捨得拆。

結束今天趕時間之旅，但都成點九了！我仲未食飯！

去到葵芳買個飽在的士吃，最後都要成兩點五先返到公司。
勁辛苦呀！（因為小弟感冒中，趕到成身汗食完藥真係頭暈暈）

雖然自己好似有點買銀癮，但經過今次咁辛苦，一兩個月去shopping一次算了！唔會再咁密了！

豆腐渣？

公司座大廈最近裝修。大堂把磚頭全拆換過，塵土飛揚，又阻住升降機，企喺度等電梯吸曬塵咁。令我最近都不願加班。加班費少了買少幾両銀啊。
在大堂等電梯時抬頭，看到有個罐埋在水泥中。座大廈租咁貴都豆腐渣？
想一想，其實當初那泥水佬自己都未必知道的。我而家見落泥時都有木夾遮住，木板跟牆身有個空間，師傅就一鏟一鏟的把水泥塞入去。
在這情況下，空間入面有咩都看不到，有缺德的人掉垃圾進去根本沒人知，地盤咁多人，很難管制到。
這些都是可以理解的，但故意那樣做的人真是不能原諒呢。

抬頭看發現藍色異物。

原來是寶礦力罐。

 

2010至2013年銀貓。

看過旺旺的網誌，我可能中毒了，最近腦中都是想買銀買銀。
今天星期六收工去左民生買銀貓，其實自己買這些幣的話，收藏來說買多點才有感覺的。
所以我還是應買來當家中擺設的方向。

但擺在家中應該買5oz大點，擺出廳好看很多。

生肖和銀貓這類型的銀幣每年出一個的話，可以容許自己每年於生肖和銀貓各買一大(5oz)一小(1oz)的銀幣的。大的放廳，小的收埋佢。

很多想擁有，但買金銀一定要係閒錢，要忍手忍手呢，這個月自己很不安份啊。

民生的好處是週六照常營業，也可用EPS，時間上啱我呢種打工仔。

1月份成績。

1月2日25個1oz楓葉銀幣。

1月2日10個1oz鷹揚銀幣。

1月7日3條4両利昌銀條。

1月11日1粒1両利昌9999金粒。

1月11日1條4両利昌銀條。

無言。

12號失踪，14號搵返條屍。
地方大真是很容易作案的，真恐怖。
唔驚唔覺，今年只係開始左十幾日，深圳已經有三十幾單女學生失踪案了（好似係）。
諗下諗下，一個人，可能已經是經過無數偶然和幸運才能長大。
這些無人性的犯人捉到一定要判死刑呀調佢老帽！


【宝职学生失踪，尸体凌晨被找到】昨晚网友@__0range吳國橙 发寻人启事：赖曾裕童，女，1米62，宝职高二。2013年1月12号晚上10点在观澜荷叶榕市场失踪的，当时穿米白色外套，红色运动裤。据南都记者跟进，女孩尸体今天凌晨已经在观澜找到，属于他杀，目前警方正在破案中。南都记者郭启明

臘腸和臘肉。

女友媽媽每年也會在家自制臘腸臘肉。討要了些回家吃，真心，很好食啊！
雖然大陸很多黑心食物，但自家制的我一點也不擔心呢。因為女友勁多親戚(國內特色)！食油和蜜糖也有親戚自家制，然後送來送去！比買的更安心吧。

自家制臘腸

自家制臘肉和膶腸

baby睡相。

看著我養的貓那睡相，沾到一絲的安逸感覺，真幸福呢。

好好瞓。

點搞都唔醒。

這才是它們原來的價值？

20人仔三個鐘，如果係會員仲有8折添！

1月9日為小弟生日，咁啱女朋友舊暦又生日喎。你話係咪襯到絕丫。

當天我們在深圳龍華待了一天。除了啪啪啪外，還去了浴足和唱k。

浴足是30人仔70分鐘仲要免小費！
真係一個人比30人仔就落樓了！

唱k還是20人仔唱三個鐘呢，呢度唔係計人頭，係計房個喎。廿皮搞掂還有無線咪，歌也新（有現代愛情故事），正呀喂。

我真係唔明白點解關口咁能貴。
這才是它們原來的價值呀！口岸骨場妹叫我比小費？我小聲你就得喇而家！

很愉快的一天。也令我驚醒我做了十幾年的水魚。

女朋友聽到我買金唔開心！

本來今晚跟女友聊天時，開心share我第一次買金的事。

點知佢唔開心！話有錢點解唔買股票買金！金有乜用！做乜唔留喺身預防要用。
又話買咁貴既野做乜唔同佢講，我真係比佢吹到啤啤聲！

一両金可能跟我買幾手普通股票一樣價錢，但係金價好似穩陣過股價囉。
我放晒股票先買少少啫，那些錢原本都係不存在（不動儲蓄）黎架啦。而家只係將電子銀碼換成實物金銀啫。算乜買貴野，根本就無買過野！對我手持的流動現金無影響，呢期我仲多左錢喺身添！

仲要問我愛佢定愛黄金！入會咩大佬！
又問愛金定愛貓，如果我隻貓吞左粒金落肚會唔會湯左佢！
我真係無言獨上西樓。

我以後買金銀都係唔好同女友講！煩死人！

baby:你地鬧還鬧，唔該熄左盞燈佢，咁光阻住我瞓覺覺呀。

今天第一次買金。

前日先至生日。都成32歲人了，還是打份牛工。

又無物業又無積蓄又無老婆。
錢都是放在銀行，間唔中打下簿happy下。

自從買左銀之後開始心郁郁，反正揸左年幾果幾手股都無乜起跌，不如趁還在家鄉放晒佢換實物金銀，反正自己唔識投資，我的紙幣都是擺著等腐爛的。
有決定後把存了一兩年的幾個錢箱仔打開，和放了手上幾手普通股，入場門檻的關係諗住買點銀擺擺，起碼有實物揸手。

我連磅仔都買埋諗住以後在家磅銀仔作樂。

今天放飯時間又趕去利昌。上次去booksilver/kitco/利昌三家都無客人。今天竟然見到有客喎，有個哥哥仔買了幾條四両銀條，鋪出來銀光閃閃的真迷人。
但是我在地鐵時反覆思量過後，今天來利昌是買金粒的！

問阿叔幾錢，今天一両9999金粒為16,712； 荷包有錢，好啦！就買一粒啦！仲有剩買多條四両銀條1,222+28。

一両金粒大小對比。

利昌9999一両金粒。

金真係好貴呢。如果用這個價錢買銀就可以達成我的白銀儲備翻一翻的年度目的了。

下次還是買返銀。不過出雙糧可能啱價會買多粒金。

金粒對我的作用？暫時想到的是第日結婚時拿幾粒出來當禮金或換金器。

有一個有趣的地方，我發現每安士金價在十年前跟十年後跟我的人工差不多！

雖然我是文科生唔識計數，但係我知道自己不可能每年加人工會有10﹪的增長，而前十年我正正是每年加一成人工。

所以！我的總結是，而家唔買的話，我第日人工可能追唔上金價，成個月人工都買唔起一安士！

2013年1月開始學人買金銀了。

之前在網上有緣看了金甲蟲jo哥的網誌。覺得幾得意，於是bookmark左。

最近無乜野做，又看多了jo哥的一點分析文章（其實是追完小說想多看看字kill time），說的頭頭是道下，再去看其他台灣小杯綠茶等的網誌。

反正銀幣又不是太貴，臨近新年，買20個來送比表妹表弟侄女等等都可以。

於是在今年2號，在休假的一天決定去上環買銀幣。第一間就是booksilver，上到去感覺有點太簡單和不設防，目標本來是鷹揚，但無貨，只好買了一筒25個的楓葉銀幣。盛惠6,507。

然後順便去埋kitco，格局四正好多。買了10個鷹揚銀幣，2,699。

7號心癮又起，lunch time時由荃灣趕去上環利昌。 很有老鋪的味道。

買了三條四両銀條，合計3,600+84。感覺平好多喎！主力還是去利昌買銀吧！

利昌四両銀條。

pcpcpc的2013年首季白銀儲備。

總結，買白銀後才知道以前買的銀飾是多麼食水深。我一隻價值2,000的925銀戒竟然比價值260的9999一安士銀幣輕很多很多！

現在看銀飾會自動想起銀價，要我買已是很難了。

另外lunch time趕去上環真是趕死人呢。我又是住新界西的，出去買一定要買多一點才抵返咁頻撲辛苦。

白銀拿上手真是很感動，銀燦燦的很漂亮。希望今年我的白銀儲備可以翻一翻，銀幣拿上手雖然靚但係覺得跟銀條相比好唔抵呢。